الرئيسية
انا والهم ودموع الشقـى والحـزن والحرمـان
تعاهدنا نكـون اخـوان ولا أحد منا يتـرك الثانـي
دمع غربه جروح هموم ترافقني مع الاحزان
انا أمي ما أنجبتهم لي ولكـن صـاروا إخواني
عرفت ان الزمن حطم خفوقي واستحل أركان
عرفت ان الضياع اصبح يزعزع قوة اركانـي
عرفت ان الهموم اللى تحتوتني يا .... جـدران
عرفت ان الدمع شباك بنور دموعـه أعماني
عرفت اني في بيت الهم وقفلت خلفـي البيبـان
عرفت اني أسيرة حزن ومكتفة وسط جدراني
عرفت إن الزمن روض بظلمه كل أحزاني
عرف بعسف جموحي يـوم قاومتـه تحدانـي
أنا بسأل وابي الصدق بشوف العالم العميـان..؟
اذا عندك جواب ارجوك الحـق العمـرالفانـي
تلخبط كل شي فيني وصاروا أهلي عدواني
وصار عدواني اصحابي وقطعت بيـدي عنانـي
احاول اجمع افكاري وانا فـي عالـم النسيـان
ابي اذكر وانا صغيرة مدينة عمـري وسكانـي
ولكن للأسف ماتت طموحاتي وعليهـا اكفـان
طموحاتي وانا صغيرة توفـت وسـط وجدانـي
غريبة ادور البسمـه أمانـه وينهـا الاوطـان
ابي فيها ابتسم لحظه وبعدها اعيـش وحدانـي
أبـقضي عمري الباقي بلا موطـن بلا عنـوان
بسافر.... للعذاب اللـي خذانـي دون خلانـي
انا الصادقة وانا الكذابة انا الصايبة وانا الغلطانة
أنا أعيش بدون أحساس ولكن ويش بكانـي..؟
انا واحدة بنظرات المواجـع والشقـى منهـانه
حياتي.... مالها معنى وراسـي للزمـن حانـي
اعيش اموت ويش يفرق تصدقي يا دينا احيـان
أعيش وأضحك واشـوف بعينـي جثمانـي
تصدقي من تعب الدنيا ماحس اني انسـان
ما بالغ لا واللي خلقني........ نـص ماجانـي
تعبت وكل مره اقول اصبـر هـاذولا خلان
تعاهدنا نكـون خلان ولحـد يتـرك الثانـي
