الرئيسية
يا يمه كل مـا فينـي ينادي لك أنا ندمـاااانه
طلبتك قولي سامحتك وردي لوجهي بسماتي
أنا ادري قلبك الطيب كسرته بصدمة النكران
غلطت وغلطتي هذي تعبر عن كـل غلطاتـي
يا يمـه يالله ضمينـي ودفيني بها الاحضـان
انا ادري فيكي مشتاقه وهمك بـس ملاقاتـي
يا يمه حيل ضمينـي أبي ارتاح أنا تعبـانه
تعبت اهرب من ذنوبي أبيك آخـر مسافاتـي
ابي اسمع منك اي كلمه لصوتك مسمعي ولهان
ابي اسمع يمه صوتك ابي اذكر فيه نشواتـي
اشوفك ساكتـه يُمّـه غفيتي وإلا أنا غلطانه
غفيتي يا بعد عمـري تعبتي مـن مواساتـي
يا يمه طالبتـك قومـي إذا لي في عيونك شان
اشوف الموت بعيونك عساها تخيب أمالي
تعالوا يا بشر شوفـوا أنا محتاره انـا تلفـانه
أنا امـي مـا تخلينـي على حزنـي ووناتـي
أنا امي قلبهـا طيـب ولا يمكن تبكي انسـان
انا امـي مـا تبكينـي ولا تتمنـى آهـاتـي
إذا مشيتي أنـا بعـدك أبقضي وين ساعاتـي
بتتركيني وتروحي ليـه وتخليني وانـا غرقـان
ولا "مسموح" يا بنتي ولا تلعنـك لعنـاتـي
أنا الجاني وانا المجنـي وأنا المخطي وانا الندمان
تركتيني علـى نـاري اعـذب فيـك زلاتـي
ولاني مرضـيٍه ربـي ولاني تابـعه الشيطـان
انا بعدك ترى ما بيـن نهاياتـي و بدايـاتـي
يا يمه منتهـي جيتـك وكلّي مرتجـي غفـران
وشفت النـاس تلعنـي تحذرنـي مـن الآتـي
